Mzio: Mzio mdogo au mzio mkali

HealthWiki > Toleo Jipya: Mahali Pasipo na Daktari > Huduma ya kwanza > Mzio: Mzio mdogo au mzio mkali

Katika sura hii:

 

Katika sura hii:

• Huduma ya kwanza
• Weka utulivu na kudhibiti dharura
• Kupoteza fahamu (kuzirai)
• Kupumua
• Pasipo mapigo ya moyo
• Kutokwa damu
• Mshituko
• Vidonda
• Vidonda ambavyo vimeingia ndani
• Maambukizi
• Ueneaji wa sumu ya vimelea kwenye damu (sepsisi)
• Tetanasi (pepopunda)
• Majeraha ya uti wa mgongo na shingo
• Majeraha ya kichwa
• Vidonda kwenye kifua na mbavu ambazo zimevunjika
• Majeraha na vidonda kwenye tumbo
• Mshituko wa moyo
• Mifupa iliyovunjika, kutenguka, na misuli au tishu zilizoumia
• Kuvia damu kutokana na majeraha chini ya ngozi
• Ubakaji
• Majeraha ya moto
• Kupigwa na umeme
• Kuunguzwa na kemikali
• Silaha za kipolisi
• Dharura zinazohusu afya ya akili
• Sumu
• Dharura zinazohusiana na ugonjwa wa kisukari
• Shambulio linalofanana la kifafa (seizures), mtukutiko wa maungo (convulsions)
• Kuumwa au kung'atwa na wadudu au viumbe wengine
• Mzio: Mzio mdogo au mzio mkali
• Dharura kutokana na joto kali
• Dharura kutokana na baridi kali
• Madawa

Mzio mdogo husababishwa na vumbi, chavua, kuumwa na wadudu, au baadhi ya vyakula, kemikali au dawa. Mzio wa aina hii hutibiwa kwa kutumia dawa za antihistamini (antihistamines).

Dalili za mzio mdogo

Macho kuwasha, kuvimba na kuwa mekundu Upele au wekundu Chafya
	Kama ameumwa na mdudu, unaweza kuvimba

Mzio mkali ni hatari zaidi na unaweza kusababisha haraka mtu kuacha kupumua.

Dalili za mzio mkali

• Wekundu usoni, mwasho, au upele
• Kuvimba midomo, kinywa, au kooni, kumeza kwa shida
• Kupumua kwa shida
• Mikono au miguu kuvimba
• Kichefuchefu au maumivu ya tumbo

Dalili zinazojitokeza sana ni upele na matatizo ya kupumua.

Kama mgonjwa hawezi kumeza, au anapata shida kupumua, mpe sindano ya epinefrini (epinephrine) mara moja. Choma miligramu 0.3 hadi 0.5. Unaweza kurudia dozi hiyo baada ya dakika 5 ikibidi.

Epinefrini huja katika nguvu na vipimo tofauti. Piga hesabu ya kiasi sahihi cha dawa kinachohitajika na kuwa nayo kwenye kabrasha lako la dawa kabla dharura hazijatokea. Au kaa na sindano ambayo tayari imejazwa dawa inayoitwa EpiPen au kama inavyojulikana kwa majina mengine ya kibiashara.

Choma sindano ya epinefrini kwenye msuli wa paja:

Inua miguu iwe juu ya usawa wa moyo

Kwa matatizo ya kupumua unaweza kumpa salbutamo (salbutamol). Ni bora pia kumpa dawa ya antihistamini (antihistamine).

Katika matukio mengi, kama utapata mzio kutokana na dawa fulani, chakula, shambulio la nyuki, au kitu kingine, unapaswa kuepuka kitu hicho kabisa. Ukikumbana na kitu hicho tena, tarajia kupata madhara makubwa zaidi.