Hesperian Health Guides

Sehemu ya kwanza: Ujenzi wa vyoo na matumizi yake

HealthWiki > Mwongozo wa jamii juu ya afya ya mazingira > Sehemu ya kwanza: Ujenzi wa vyoo na matumizi yake

A woman walks a child to a sheltered pit toilet as a man pours water for a child to wash his hands.


Baada ya kusoma moduli ya nne, utakuwa umejifunza:
  1. Baadhi ya mambo muhimu ya kuzingatia katika uhamasishaji jamii juu ya ujenzi na matumizi ya vyoo.
  2. Mahitaji maalum ya wanawake, watoto na watu wasiojiweza.
  3. Aina mbalimbali za vyoo, ujenzi, utunzaji na matumizi yake.
  4. Magonjwa yanayohusiana na kinyesi, jinsi anavyoambukiza na njia za kujikinga.


Kinyesi cha binadamu na mkojo vinaweza kuchafua maji, chakula na udongo kwa kueneza vijidudu na minyoo ambavyo husababisha matatizo makubwa ya kiafya.

Uondoaji na hifadhi salama wa kinyesi kwa kujenga, kutumia na kutunza vyoo kwa usahihi, pamoja na kunawa mikono kwa maji safi na sabuni, huzuia ueneaji wa vijidudu na ni mahitaji ya msingi kwa ajili ya afya njema.

Hata kama jamii yako inatumia vyoo vya kawaida vya shimo, au vyoo vya kiikolojia ambavyo hubadilisha kinyesi kuwa mbolea, vyoo vya kisasa vinavyotumia maji kusukuma kinyesi au vyoo vya aina nyingine yeyote, lengo kuu ni kuzuia taka kutoka kwenye mwili wa binadamu zisichafue maji, chakula na mikono yetu. Hali kadhalika matumizi sahihi ya vyoo ni pamoja na kunawa mikono baada kujisaidia. Vyoo bora ni muhimu; vivyo hivyo kunawa mikono kwa maji safi na sabuni baada ya kutumia choo. Vyoo salama na unawaji mikono baada ya kuvitumia, kwa pamoja, husaidia kuzuia magonjwa mengi yatokanayo na vijidudu vilivyomo katika kinyesi cha binadamu.

Vyoo na mifumo ya uondoaji na hifadhi ya kinyesi iliyojengwa vibaya ni vyanzo vikuu vya magonjwa na uchafuzi wa maji yaliyoko chini ya ardhi. Kadri maji safi yanavyozidi kupungua, uondoaji na uhifadhi wa kinyesi kwa njia zisizochafua maji unazidi kuwa muhimu.



Ukurasa huu ulihuishwa: 04 Juni 2022