Hesperian Health Guides
Kupata msaada kutoka kwa wazazi
HealthWiki > Pale ambapo Wanawake hawana Daktari > Sura ya 5: Masuala ya afya yahusuyo wasichana > Kupata msaada kutoka kwa wazazi
Familia yako inaweza kuendelea kukupenda bila kukubaliana na wewe juu ya kila kitu unachosema. Wanaweza kukasirika kwa sababu wanajali — siyo kwamba hawakupendi. Jaribu kuongea nao kwa heshima na kuwasaidia kukuelewa vizuri zaidi.
Mawazo kwa ajili ya mawasiliano mazuri
Je huu ni muda
mzuri wa kuongea?
mzuri wa kuongea?
- Tafuta muda mzuri wa kuongea, wakati wazazi wako hawana kazi nyingi, kuchoka, au kuwa na hofu juu ya jambo lingine.
- Kila upande uelezee hofu, wasiwasi na malengo yanayohusiana na mambo hayo. Uliza wao wangefanya nini kama wangekuwa katika nafasi yako
- Wape kitu cha kusoma au waoneshe picha kusaidia kuanzisha mazungumzo. Mnaweza kusoma sehemu ya kitabu hicho pamoja kama inahusiana na tatizo lako.
- Kama utashikwa na hasira, jitahidi usitumie sauti au maneno kali. Unaweza kuwakasirisha wazazi wako na wanaweza kufikiri kwamba huwaheshimu.
- Kama umejaribu mambo haya na bado huwezi kuongea na wazazi wako, tafuta mtu mwenye umri mkubwa ambaye unaweza kuongea naye. Anaweza kuwa mwalimu, mama ambaye ni rafiki wa mama yako, shangazi, dada yako, bibi, mtu mwaminifu kutoka dhehebu lako, au mfanyakazi wa afya.
Jinsi mama wazazi wanaweza kuwasaidia binti zao
Unaweza kuwa ulikulia katika kipindi ambacho wasichana walikuwa hawaruhusiwi kupata elimu, kupanga familia zao, au kufanya maamuzi juu ya maisha yao. Maisha ya binti yako yanaweza kuwa tofauti. Kama utamsikiliza, mweleze uzoefu wako na kumpa taarifa muhimu, unaweza kumsaidia kufanya maamuzi mazuri yeye mwenyewe. Unaweza kumsaidia kuona mambo mengi mazuri ya kuwa msichana na mwanamke.
Ukurasa huu ulihuishwa: 05 Feb 2018