Jinsi mwili wa mwanamke unavyobadilika

Mduara wa Maisha

Mwili wa mwanamke hupitia mabadiliko mengi muhimu katika kipindi cha uhai wake – wakati wa kupevuka,wakati wa balehe, wakati wa ujauzito na unyonyeshaji, na wakati hedhi inapokomaa-umri wa kutoweza kuzaa tena.

Zaidi ya hayo, wakati wa umri wa kuzaa, mwili wake hubadilika kila mwezi – kabla, wakati na baada ya hedhi ya kila mwezi. hedhi yake ya kila mwezi. Sehemu za mwili ambapo mabadiliko haya hutokea ni ukeni, mji wa mimba(kizazi), ovari, mirija ya mayai ya uzazi, kwenye matiti-sehemu zote hizo huitwa mfumo wa uzazi. Mabadiliko haya mengi husababishwa na kemikali za asili maalum ziitwazo homoni.

Homoni

Homoni ni vichocheo vya kemikali ambavyo mwili hutengeneza kudhibiti namna mwili unavyokua na lini. Muda kidogo kabla ya msichana kuanza hedhi ya kwanza ya kila mwezi, mwili wake huanza kutoa kwa wingi homoni ya estrojeni na projesteroni, ambazo ndiyo homoni kubwa za kike. Homoni hizi husababisha mabadiliko makubwa kwenye mwili wake yaitwayo balehe.

Wakati wa umri ambao msichana anaweza kubeba mimba, homoni hizi huwezesha kila mwezi mwili wa mwanamke kujiandaa kuwa tayari kwa uwezekano wa kubeba mimba. Pia huziambia ovari zake lini kuachia yai (yai moja kila mwezi). Hivyo homoni huamua lini mwanamke anaweza kubeba mimba. Njia nyingi za uzazi wa mpango hufanya kazi ya kuzuia mimba kwa kudhibiti homoni hizi zilizomo kwenye mwili wa mwanamke. Homoni pia husababisha mabadiliko wakati wa ujauzito na wakati wa unyonyeshaji. Kwa mfano, homoni huzuia mwanamke anayenyonyesha asipate hedhi, na wakati wa ujauzito na mara baada ya kujifungua husababisha matiti kuanza kutengeneza maziwa.

Mwanamke anapokaribia ukomo wa umri wa kuzaa, mwili wake taratibu husitisha kuzalisha homoni ya estrojeni na projesteroni. Ovari zake husitisha utoaji mayai, mwili wake huacha kujiandaa kwa ajili ya kubeba mimba, na hedhi yake ya kila mwezi husitishwa kabisa. Kipindi hiki huitwa ukomo wa hedhi (menopause).

Kiasi na aina ya homoni zinazozalishwa na mwili wa mwanamke zinaweza pia kuathiri namna anavyojisikia kwa ujumla, hisia zake kuhusiana na ngono, uzito wake, joto lake la mwili, njaa, na hata uimara wa mifupa yake.

←→ ULIOTANGULIA | UNAOFUATA →←

Ukurasa huu ulihuishwa: 05 Feb 2018

Hesperian Health Guides

Jinsi mwili wa mwanamke unavyobadilika

Lugha zingine

Homoni

QUICK LINKS

CONNECT

ORDERING & INFO

Hesperian Health Guides

Jinsi mwili wa mwanamke unavyobadilika

Lugha zingine

Homoni

QUICK LINKS

CONNECT

ORDERING & INFO

SOCIAL & CONTACT